Hann kemur semsagt út úr húsinu á þriðjudögum þegar ruslið er tekið svo hann geti gramsað í því og karlarnir gefa honum öll dagblöðin sem við hin sem erum nokkuð normal, hendum.
Hvar er leyni James Bond njósnamyndavélin mín á svona stundum????
Þvílík sjón!!! Mest misheppnaða yfirgreiðsla á skalla sem ég hef séð – held að hárið (sem flaksaðist eins og í sjampóauglýsingu) hafi verið ca 40 cm á lengd.
Hann var voða reffilegur í jakkafötum. En ég held að þessi jakkaföt hafi hangið útí glugga í ca 17 ár þar sem önnur hliðin á þeim var algjörlega upplituð – drapplituð öðrum megin og dökk brún hinum megin.
Svo sá ég inn í ganginn hjá honum – ómægoooooottttt nú veit ég að hann verður að hafa opna hurðina svo hann hreinlega kafni ekki úr skít bara ojjjjjjjjjjjjj.
Vissum að þarna er miðstöð kóngulóa í Englandi því kóngulóavefirnir voru hnausþykkir og rykið – fæ bar ofnæmiskast við að hugsa um þetta hrooooolllllllur…….
Ég bauð honum samt góðan daginn.
Varla hægt að lesa blogg frá Íslandi lengur. Allir a tala um þetta blessaða idol og við hérna tjallarnir höfum ekki séð einn þátt. Veit að það var einhver stelpa sem vann núna og hann þarna Kalli eitthvað í fyrra (hef samt held ég ekki heyrt lag með honum enn).
Allavega þá var ég alveg jafn húkkt og íslenska þjóðin yfir idol þegar Xfactor var í gangi hérna. Rosa spennandi og skemmtilegt. Skildi samt ekki alveg þegar ég fór að reyna að tala um þennan snilldarþátt (sem við öll í Bow vorum farin að fylgjast með) að fólk bara vissi ekki um hvað ég var að tala. Jújú þá var á BBC á sama tíma Strictly come dancing þar sem fólk er að læra að dansa samkvæmisdansa og keppir svo á laugardögum – ofboðslega fúll þáttur fannst mér. En dansdæmið var helmingi vinsælli en Xfactor ótrúlegt en satt – þá áttaði ég mig betur á því hvað þetta er ógeðslega stór borg og hvað fólk hérna er mismunandi, og hvað það eru margar sjónvarpstöðvar þannig að maður getur varla rabbað við mann og annan um sjónvarpsdagskrána – enda er það óttaleg tímasóun held ég.
Betra að lesa góða bók bara – er að lesa The Surgeon og hún er svo ógeðsleg í byrjun að ég þori varla að lesa lengra. Nógu myrkfælin fyrir – best að setja keðjuna og stóra lásinn fyrir hurðina bara.
Var að fá bestu fréttir dagsins :)
Haldiði ekki að Sigga litla systir mín sé ekki að koma til London. Fékk gefins ferð hingað og tónleikamiða vúhúuuuu. Dóri er bestur vei vei!!!
Hún verður allt of stutt bara. Ég þarf að hamast að taka til fyrst hún er að koma og verður með nefið oní öllu hérna.
Hún er svo forvitin að ég held að hana hlakki jafn mikið til að sjá nýja húsið eins og að fara að sjá Stuðmenn.
Til lukku grannar!
Jebbbs í dag eru 20 ár síðan fyrsti Neighbours þátturinn var sýndur.
Spurning um að fylgjast með þeim í önnur 20 ár hmmmm?
Hvað varð eiginlega um The Corrs?
Ég er með svo gamla sál að mússíkin þeirra hentar ágætlega. Gæti ekki brotið á mér mjöðmina við að dansa við lögin þeirra.
Er sjálf orðin svoddan ellikerling að það brakar í hægri mjöðminni á mér í hverju skrefi.
Gerði Hindúæfingarnar hans Tolla og er gersamlega farlama af harðsperrum og verkjum allstaðar eftir þetta. Ég er að tala um að ég þarf hreinlega á hjálp að halda við að fara niður stigann í húsinu. Hann keypti æfingakerfi eftir þennan gaur a> sem er léttgeggjaður úfff.
Skora á alla að prófa ;)
ps Tolli gerði 200 Hindu squats án hvíldar í gærkvöldi!!!
Jæja þar kom að því að Tolli sprakk og panntaði plasma drauma sjónvarpið sitt. Búin að vera sjónvarpslaus í nokkurn tíma núna, voða notalegt.
Þetta er svakalegt – eins og að sitja á fremsta bekk í bíó. Í gær var þáttur sem heitir 10 years younger þar sem hrukkóttar konur eru lagaðar til. Ég hreinlega varð að snúa mér undan þetta var einum of skírt og STÓRT og þá er ég að tala um hrukkur og vörtur og fílapensla í 1000x stærð úffff. Þakka guði fyrir að þetta hafi ekki verið þáttur um æðahnúta eða kynsjúkdóma.
Annars er sumarið að skríða inn hérna. 18-20 stiga hiti seinnipartinn í dag og það á að vera ennþá betra á morgun og laugardaginn. mmmmmmmmmm kominn tími til.